Kannada Play Day 01/20/17 - Cancelled

ನಮಸ್ಕಾರ!

Due to shortage of teachers and senior students, there will be no class tomorrow!

ನಾಳೆ ದಿನ ರಜ..

ಮಾಡಿರಿ ಮಜಾ!!

ಆದರೆ, ಹಿರಿಯ ಮಕ್ಕಳಿಗೆ ಪದಬಂಧ ಮನೆಗೆಲಸ ಕೊಟ್ಟಿದ್ದೇವೆ. ಅವರೇ ಮಾಡಿ ಮುಂದಿನ ವಾರ ಮಾಡಿಕೊಂಡು ಬರಬೇಕು. Please see attached. 

ತಂದೆ ತಾಯಿಯರು ಕಿರಿಯ ಮಕ್ಕಳಿಗೆ ಅಕ್ಷರಗಳನ್ನು ಮನೆಯಲ್ಲಿ ಅಭ್ಯಾಸ ಮಾಡಿಸಬೇಕಾಗಿ ವಿನಂತಿ. ಮಕ್ಕಳಿಗೆ ಈ ವಾರದ ಮನೆ ಕೆಲಸ:

೧. ಎಲ್ಲ ಅಕ್ಷರಗಳನ್ನು ಕಲಿತು ಗುರುತುಹಿಡಿಯಬೇಕು.

೨. ಪ್ರತಿಯೊಂದು ಅಕ್ಷರದಿಂದ ೩-೫ ಪದಗಳನ್ನು ಹೇಳಬೇಕು.

ಹೋದ ವಾರ ಶ್ರೀಕಾಂತ್ ಅವರು ಮತ್ತೊಂದು ಕನ್ನಡದ ಪದ್ಯ (ನಾವೆಲ್ಲಾ ಒಂದಾನೊಂದು ಕಾಲದಲ್ಲಿ ಕಲಿತಿದ್ದು!) - ಬಣ್ಣದ ತಗಡಿನ ತುತ್ತೂರಿ - ಹಿರಿಯ ಮಕ್ಕಳಿಗೆ 

ಹೇಳಿಕೊಟ್ಟರು. ಮಕ್ಕಳೆಲ್ಲ ಓದುವುದಕ್ಕೆ ಪ್ರಯತ್ನಪಟ್ಟರು. ಕೆಲವರು ಸುಲಭವಾಗೇ ಓದಿದರು.  ಅವರ ಕೈಯಲ್ಲಿ ಮತ್ತೊಂದು ಸಲ ದಯವಿಟ್ಟು ಓದಿಸಿ.

ಮೀನಾ ಅವರು ಎಂದಿನಂತೆ ಕಿರಿಯರಿಗೆ ಏನು ಮಾಡಿಸಿದರು ಅಂತ ಇ-ಪತ್ರದ ಮೂಲಕ ತಿಳಿಸಿದ್ದಾರೆ.

ಜನವರಿ ೧೪, ೨೦೧೭ 'ಕನ್ನಡ ಕಲಿ'ಯಲ್ಲಿ ಮಾಡಿದ ಪಾಠ ಕೆಳಗೆ ಬರೆದಿದ್ದೇನೆ.

೧. ಮಕ್ಕಳಿಗೆ ಚಾರ್ಟ್ ಮೂಲಕ ಮತ್ತೆ ಅಕ್ಷರಗಳೆಲ್ಲವನ್ನು ಅಭ್ಯಾಸ ಮಾಡಿಸಿದೆವು.

೨. ಚಾರ್ಟ್ನಲ್ಲಿ ತೋರಿಸಿದರೆ ಮಕ್ಕಳು ಅಕ್ಷರಗಳನ್ನು ಗುರುತು ಹಿಡಿಯುತ್ತಾರೆ. ಆದರೆ ಚಾರ್ಟ್ ಇಲ್ಲದೆ ಫ್ಲಾಶ್ ಕಾರ್ಡ್ಸ್ ಉಪಯೋಗಿಸಿದಾಗ ಮಕ್ಕಳು ಇನ್ನೂ ಅಕ್ಷರಗಳನ್ನು ಗುರುತಿಸಲು ಕಷ್ಟ ಪಡುತ್ತಿದ್ದಾರೆ. 

೩. ಅಕ್ಷರಗಳನ್ನು ತೋರಿಸಿ ಪದಗಳನ್ನು ಹೇಳಿಸಿದೆವು. ಕೊಟ್ಟ ಅಕ್ಷರದಿಂದ ಸುಮಾರು ಮಕ್ಕಳು ೪-೫ ಪದಗಳನ್ನು ಹೇಳಿದರು.

೪. ಕಾಗುಣಿತವನ್ನು ಪ್ರಥಮ ಬಾರಿ ಹೇಳಿಕೊಟ್ಟೆವು. ಒಂದು ಸಲ ಹೇಳಿ ಕೊಟ್ಟ ನಂತರ, ಎಲ್ಲ ಮಕ್ಕಳಿಗೂ ಒಂದೊಂದು ಅಕ್ಷರವನ್ನು ಕೊಟ್ಟು ಅದರ ಕಾಗುಣಿತವನ್ನು ಹೇಳಿಸಿದೆವು. 

೫. ಕೊನೆಯದಾಗಿ ಫ್ಲಾಶ್ ಕಾರ್ಡ್ಸ್ ಉಪಯೋಗಿಸಿ ಅಕ್ಷರಗಳ ಕ್ವಿಜ್ ಮಾಡಿದೆವು. ಸುಮಾರು ಮಕ್ಕಳು ಅಕ್ಷರಗಳನ್ನು ಗುರುತು ಹಿಡಿಯಲೇ ಇಲ್ಲ.

ಹೀಗೆಯೇ ಒಂದು ಚುಟುಕ - 

ಬಂದಿತಿನ್ನೊಂದು ಶನಿವಾರ

ನನಗಿದೆ ಆಫೀಸಿನ ತಲೆಭಾರ

ಏನು ಮಾಡುವುದೋ ಗೊತ್ತಾಗಲಿಲ್ಲ 

 ಹೇಳಿದಳು ನನ್ನಾಕೆ - ತಗೋ Tylenolಅ!

ನೋಡುವ ಮುಂದಿನ ಶನಿವಾರ!

Kannada Kali Team